“Аз-Эко” ХХК нь 2019 оноос хойш байгаль орчны үнэлгээ, зөвлөх үйлчилгээний чиглэлээр үйл ажиллагаа явуулж буй мэргэжлийн байгууллага бөгөөд “Натур” Холдингийн салбар компани юм. Манай байгууллага нь дэд бүтэц, уул уурхай, үйлдвэр, үйлчилгээ, аялал жуулчлалын төслүүдэд Байгаль орчны нөлөөллийн нарийвчилсан үнэлгээ (БОННҮ), байгаль орчны аудит, зөвлөх үйлчилгээ үзүүлэх эрхтэйгээр үйл ажиллагаагаа явуулж байна.

Бид салбартаа 10 болон түүнээс дээш жилийн туршлагатай мэргэжлийн инженер, экологич, судлаачдаас бүрдсэн багтай бөгөөд Монгол Улсад мөрдөгдөж буй хууль, дүрэм, стандарт, аргачлалд тулгуурлан төслүүдийг мэргэжлийн өндөр түвшинд хэрэгжүүлдэг. Мөн байгаль орчны мэдээллийн сангийн өргөн хүрээний дата бааз, орчин үеийн техник технологи, хэмжилт судалгааны тоног төхөөрөмжийг ашиглан чанартай, бодит үр дүнд суурилсан үнэлгээ боловсруулдаг.

Манай хамт олон уул уурхай, дэд бүтэц, хөдөө аж ахуйн үйлдвэрлэл, боловсруулах үйлдвэр, барилга байгууламж зэрэг олон салбарын 500+ төслийн байгаль орчны үнэлгээ, аудитын ажлыг амжилттай гүйцэтгэсэн туршлагатай. Үүнд аялал жуулчлалын цогцолбор, уул уурхайн орд ашиглалт, эмийн үйлдвэр, мах махан бүтээгдэхүүн, ноос ноолуур боловсруулах үйлдвэр, сэргээгдэх эрчим хүч, барилга байгууламж зэрэг томоохон төслүүд багтдаг.

Манай компани нь “Геоэкологийн хүрээлэн”, “Ботаникийн хүрээлэн”, “Газарзүйн хүрээлэн” зэрэг мэргэжлийн байгууллагуудтай хамтран ажиллаж, байгаль орчны үнэлгээний салбарын сургалт, семинар, мэргэжлийн арга хэмжээнд тогтмол оролцдог. Бид тогтвортой хөгжил, байгаль орчны хариуцлагатай менежментийг дэмжин ажиллаж, харилцагч байгууллагууддаа найдвартай, бодитой, мэргэжлийн шийдлийг хүргэхийг зорьдог.