Байгаль орчны менежментийн төлөвлөгөө (БОМТ) нь төсөл хэрэгжих хугацаанд байгаль орчныг хамгаалах, зүй зохистой ашиглах, сөрөг нөлөөллийг бууруулах, урьдчилан сэргийлэх, нөхөн сэргээх арга хэмжээг тодорхойлсон үндсэн баримт бичиг юм. Энэхүү төлөвлөгөө нь байгаль орчинд нөлөөлөх байдлын нарийвчилсан үнэлгээний үр дүнд үндэслэн боловсруулагдаж, төслийн үйл ажиллагаанаас үүсэж болзошгүй нөлөөллийг тогтмол хянах, бууруулах, хариу арга хэмжээ авахад чиглэгддэг. Манай байгууллага нь холбогдох хууль, журам, стандартын хүрээнд Байгаль орчны менежментийн төлөвлөгөөг мэргэжлийн түвшинд боловсруулж, хэрэгжилтийн зөвлөмжөөр ханган ажилладаг.

• Байгаль орчныг хамгаалах төлөвлөгөө (БОХТ)
  Төслийн шууд болон шууд бус сөрөг нөлөөллийг бууруулах, арилгах, нөхөн сэргээх арга хэмжээг тусгана.

• Орчны хяналт-шинжилгээний хөтөлбөр (ОХШХ)
  Хэрэгжүүлсэн арга хэмжээний үр дүнг үнэлж, байгаль орчны төлөв байдалд тогтмол хяналт тавина.

• Сөрөг нөлөөллийг бууруулах арга хэмжээ
  Төсөл хэрэгжих явцад үүсэж болох эрсдэл, сөрөг нөлөөллөөс урьдчилан сэргийлэх шийдлийг боловсруулна.

• Нөхөн сэргээлт, хамгаалалтын төлөвлөлт
  Байгаль орчны доройтлыг бууруулах, нөхөн сэргээх арга хэмжээг тодорхойлно.

• Хууль, стандартын нийцэл
  Байгаль орчны үнэлгээтэй холбоотой хууль тогтоомж, дүрэм, стандартад нийцүүлэн төлөвлөгөө боловсруулна.

• Жилийн хэрэгжилтийн тайлан, хяналт
  БОМТ-ийн хэрэгжилтийг тайлагнах, дараагийн жилийн төлөвлөгөөг боловсруулахад мэргэжлийн дэмжлэг үзүүлнэ.